Пред Timeline да стане достапен за сите, беше возможно да се исклучи со деинсталирање на Developer апликацијата на вашиот профил. За жал тоа веќе не е возможно. Сеуште постојат привремени решенија како користење на екстензии и Add-ons за прелистувачите кои имаат пристап до вашите лични податоци, но вашите пријатели сеуште ќе го гледаат вашиот Timeline.

Откако ќе кликнете на магичното копче “Get Timeline”, имате седум дена период за да одлучите што ќе се појавува на вашиот Timeline, а што нема. Потоа тој ќе биде достапен на целата јавност.

Постои можност веднаш да го објавите вашиот Timeline. Но ако одлучите да почекате, тоа ќе се случи за седум дена.

По извесно време сите корисници ќе го добијат новиот дизајн, без разлика дали тоа го сакаат или не.

Луѓето коишто се помалку склони кон технологијата велат дека многу тешко се снаоѓаат со овие промени. Жалбите се јавуваат на секоја поголема промена на социјалната мрежа, но со текот на времето луѓето се смируваат и се прилагодуваат на промените.

Кое е Вашето мислење за Timeline?